අමෙරිකානු පුවත්පත් ආයතනයකට අයත් මාධ්‍යවේදීන් තිදෙනෙකුගේ මාධ්‍ය බලපත්‍ර අහෝසි කිරීමට චීන රජය පියවර ගෙන තිබේ.

ඒ චීනයේ ව්‍යාප්ත වී ඇති නව කොරෝනා වෛරසය පිළිබඳ තොරතුරු වාර්තා කිරීමේදී චීන රජය හෑල්ලුවට ලක් කිරීමේ සිද්ධියකට අදාලවයි.

වෝල් ස්ට්‍රීට් ජර්නල් නම් අමෙරිකානු පුවත්පත් ආයතනය විසින් පසුගිය 3 වනදා ප්‍රකාශයට පත් කළ පුවත්පත් වාර්තාවකින් චීනය ආසියාවේ සැබෑ රෝගියා ලෙස හදුන්වමින් කොරෝනා වෛරසය ව්‍යාප්තිය හමුවේ චීන රජය ගත් ක්‍රියාමාර්ග විවේචනයටලක් කර තිබුණි.

වාර්ගික වෙනස්කම් සහිත මාතෘකාවක් යොදා ගනිමින් පල කළ අදාල වාර්තාව පිළිබඳ චීන රජය අප්‍රසාදය පල කළ අවස්ථාවේ හෝ එම මාධ්‍යවේදීන් ඒ පිළිබඳ කණගාටුව පල කිරීමක් සිදු කර නොමැති බව චීන රජය පවසන්නේය.

මෑත කාලයේ චීනය විසින් විදෙස් මාධ්‍යවේදීන් තිදෙනෙකු නෙරපාහැරි පළමු අවස්ථාව මෙය බව ද විදෙස් මාධ්‍ය වාර්තා පෙන්වාදෙයි.

LEAVE A REPLY

Please enter your comment!
Please enter your name here